Khmer
សាលារៀន AIS ប្រកាសផ្ដល់អាហារូបករណ៍ដល់សិស្សសិក្សានៅចិន
ដើម្បីមើលបន្តសូមចុចទីនេះ
សាលា AIS ប្រកាសផ្ដល់អាហារូបករណ៍១០០% សម្រាប់សិក្សានៅសាកលវិទ្យាល័យ BangKok
ដើម្បីមើលបន្តសូមចុចទីនេះ
អបអរសាទរ ទិវាអន្តរជាតិនារី ៨ មីនា ខួបលើកទី១០៩ ឆ្នាំ២០២០
មជ្ឈមណ្ឌល ភាសា អេ អាយ អាយ និងសាលារៀន អន្តទ្វីប អាមេរិកាំង របស់លោកឧកញ៉ា វេជ្ជបណ្ឌិត គួច ម៉េងលី នៅថ្ងៃទី៦ ខែមីនា ឆ្នាំ២០២០នេះ បានសហការគ្នារៀបចំពិធីអបអរសាទរទិវាអន្តរជាតិនារី ៨មីនា ខួបលើកទី១០៩ ក្រោមប្រធានបទ «មានសន្តិភាព មានការលើកកម្ពស់សមភាពយេនឌ័រ»កម្មវិធីនេះរៀបចំឡើងដោយមានការអញ្ជើញចូលរួមពីគណៈគ្រប់គ្រងមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ព្រមទាំងលោកគ្រូអ្នកគ្រូប្រមាណជាង២០០នាក់។ ថ្លែងក្នុងឱកាសនេះ លោកស្រី រស់ យ៉ាណា ប្រធានសាលារៀន អន្តរទ្វីប បានលើកឡើងថា ស្រ្តីមានសិទ្ធស្មើនឹងបុរស ហើយស្រី្តកុំគិតថា ថ្ងៃ៨មីនានេះ គឺថ្ងៃមានសិទ្ធិលើប្រុសនោះទេ។ លោកស្រីថា ស្ត្រីទាំងអស់សុទ្ធតែទទួលបានសិទ្ធិស្មើគ្នារវាងបុរសនិងស្ត្រី គឺមានសិទ្ធិមានការងារដូចគ្នា ទទួលបានប្រាក់កម្រៃដូចៗគ្នា មិនមានបែងចែកនោះទេ ហើយទទួលបានការគាំពារទៅលើសុខភាពមាតានិងទារកដូចៗគ្នាផងដែរ។ លោកស្រី រស់ យ៉ាណា បញ្ជាក់ថា សម្រាប់ក្រុមហ៊ុន ម៉េងលី ជេ.…
ប្រឡងឆមាសលើកទី១ សម្រាប់សិស្សានុសិស្ស ថ្នាក់ក្រោមមត្តេយ្យសិក្សា ដល់ថ្នាក់ទី៦
ការប្រឡងឆមាសលើកទី១ គឺចាប់ពីថ្ងៃទី០២ ដល់ទី០៧ ខែមីនា ឆ្នាំ២០២០ សិស្សានុសិស្សថ្នាក់ក្រោមមត្តេយ្យ ដល់ថ្នាក់ទី៦ នៃសាលារៀន អន្តរទ្វីប អាមេរិកាំង សាខាផ្សារថ្មី កុំពុងធ្វើការប្រឡងឆមាសលើកទី១ សម្រាប់ឆ្នាំសិក្សា២០១៩-២០២០។ សម្រាប់ថ្នាក់ទី៦ មុខវិជ្ជាកុំព្យូទ័រ និងភាសាអង់គ្លេសបានប្រឡងរួចរាល់ ហើយមុខវិជ្ជាគោលនឹងប្រឡងនៅថ្ងៃទី១៧ ខែមីនា ឆ្នាំ២០២០ ខាងមុខនេះ ដោយអនុវត្តតាមការណែនាំរបស់មន្ទីរអប់រំ យុវជន និងកីឡា រាជធានីភ្នំពេញ។ ការប្រឡងឆមាសលើកទី១នេះប្រព្រឹត្តទៅដោយរលូន ព្រោះអនុរក្សមានការតឹងតែង ហ្មត់ចត់ចំពោះបេក្ខជន និងមិនអនុញ្ញ្ញាតឱ្យបេក្ខជនលួចចម្លង ឬបើកឯកសារមើល ឬប្រើគ្រឿងអេឡិចត្រូនិចនោះឡើយ។ អ្វីដែលគួរកត់សម្គាល់នោះគឺបេក្ខជននីមួយៗគោរពវិន័យ និងបទបញ្ញត្តិនៃការប្រឡងបាន១០០%។
ការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៧ វគ្គផ្តាច់ព្រ័ត្រ
កាលពីថ្ងៃទី២៩ ខែកុម្ភៈ ឆ្នាំ២០២០ កន្លងទៅនេះ គណៈកម្មការសាលា លោកគ្រូ អ្នកគ្រូ នៃសាលារៀន បានរៀបចំការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៧ វគ្គផ្តាច់ព្រ័ត្រ។ បេក្ខជនដែលចូលរួមមាន៣២ក្រុម ក្នុងការប្រកួតវគ្គផ្តាច់ព្រ័ត្រនេះគណៈកម្មការក្នុងកម្មវិ ធីប្រកួតនេះបានស្វែងរកជ្រើសរើសបេក្ខជនពូកែ និងមាន មានសមត្ថភាពខ្ពស់ចំនួន៣ក្រុម ស្មើនឹង៦នាក់ ដើម្បីទទួលពានរង្វាន់ ម៉េងលី ជេ. គួច ប្រចាំរដូវកាលថ្មីនេះ។ បេក្ខជនជាប់ជ័យលាភីលេខ១ បានទៅលើបេក្ខជន ហ្គូយ ហុងអេង សិស្សថ្នាក់ទី១១ និង ហ្គូយ ជីហុក សិស្សថ្នាក់ទី១០, លេខ២ បានទៅលើបេក្ខជន លី បញ្ញាវុឌ្ឍ សិស្សថ្នាក់ទី៩ និង អន ឫទ្ធិមុនិរាជ សិស្សថ្នាក់ទី៩ និងលេខ៣ បានទៅលើបេក្ខជន ស៊ីម សុវត្ថិនា សិស្សថ្នាក់ទី១១ និង តាំង ប៊ុនសេង សិស្សថ្នាក់ទី១១ នៃសាលារៀន អន្តរទ្វីប…
សិក្ខាសាលាស្តីអំពីសុវត្ថិភាពចំណីអាហារ
កាលពីថ្ងៃទី២៤ ខែកុម្ភៈ ឆ្នាំ២០២០ កន្លងទៅនេះ គណៈកម្មការ នៃសាលារៀន អន្តរទ្វីប អាមេរិកាំង សាខាផ្សារថ្មី បានរៀបចំសិក្ខាសាលាស្តីពី “សុវត្ថិភាពចំណីអាហារ” ដើម្បីឱ្យកុមារយល់ដឹងអំពីចំណីអាហារណាដែលប៉ះពាល់ដល់សុខភាព ហើយអាហារប្រភេទណាដែលមិនប៉ះពាល់សុខភាព សម្រាប់ថ្នាក់ក្រោមមត្តេយ្យ ដល់ទី៦។ ទាក់ទងនឹងសុវភាពចំណីអាហារនេះ លោកវេជ្ជបណ្ឌិត ងិន សុខរង្សី មកពីមជ្ឈមណ្ឌលសុខភាពសិស្ស ម៉េងលី ជេ. គួច មានប្រសាសន៍ថា ការទទួលទានបន្លែផ្លែឈើ ទោះបីថាវាជាជម្រើសល្អសម្រាប់សុខភាព ប៉ុន្តែបន្លែផ្លែឈើខ្លះក៏មិនល្អដែរ ព្រោះបន្លែផ្លែឈើមានផ្ទុកសារធាតុគីមីដែលឱ្យប៉ះពាល់ដល់សុខភាពទៅវិញទេ។
សិស្សថ្នាក់ទី១២ ធ្វើទស្សនកិច្ចសិក្សានៅវត្តហរិរក្សរាជិនី និងរមណីដ្ឋានទេសចរណ៍ ភ្នំព្រះរាជទ្រព្យ
កាលពីថ្ងៃទី២២ ខែកុម្ភៈ ឆ្នាំ២០២០ កន្លងទៅនេះ គណៈកម្មការ នៃសាលារៀន អន្តរទ្វីប អាមេរិកាំង សាខាផ្សារថ្មី បានរៀបចំដំណើរទស្សនកិច្ចសិក្សាទៅកាន់វត្តហរិរក្សរាជិនី ហៅវត្តវាំងចាស់ និងរមណីយដ្ឋានទេសចរណ៍ ភ្នំព្រះរាជទ្រព្យដែលស្តិតក្នុងភូមិវាំងក្នុង ឃុំវាំងចាស់ ស្រុកឧដុង្គ ខេត្តកំពង់ស្ពឺ និងរមណីយដ្ឋានទេសចរណ៍ភ្នំព្រះរាជទ្រព្យ ស្ថិតក្នុងភូមិភ្នំ ឃុំផ្សារដែក ស្រុកពញាឮ ខេត្តកណ្តាល សម្រាប់សិស្សានុសិស្សថ្នាក់ទី១២។ ការចុះទស្សនកិច្ចសិក្សាលើកនេះបានធ្វើឱ្យសិស្សានុសិស្សយល់ដឹង និងមានចំណេះដឹងបន្ថែមកាន់តែច្បាស់ទាក់ទងនឹងប្រវត្តិសាស្រ្តនានា ទីតាំងប្រវត្តិសាស្រ្ត ភូមិសាស្រ្ត និងរជ្ជកាល មហាក្សត្រក្នុងសម័យលង្វែក និងឧដុង្គជាដើម ជាពិសេសបានយល់ដឹងពីចម្លាក់ផ្សេងៗជាច្រើនប្រភេទ និងស្នាដៃសិល្បៈតម្បាញខ្មែរ ហើយធ្វើឱ្យសិស្សចេះមានសាមគ្គីភាពរវាងគ្នា និងគ្នាទៅវិញទៅមកប្រកបដោយភាពទទួលខុសត្រូវរៀងៗខ្លួន។ លើសពីនេះទៅទៀត ធ្វើឱ្យសិស្សអាចរឹតបន្តឹងចំណងមិត្តភាពជាមួយគ្នាកាន់តែល្អ អបន្ថែមទៀត។ សម្រាប់រូបភាពបន្ថែមសូមចុចLinkខាងក្រោម https://www.facebook.com/pg/ais.mjqeducation/photos/?tab=album&album_id=3085601951471729&ref=page_internal
សិក្ខាសាលាស្តីអំពីសុវត្ថិភាព ចរាចរណ៍ផ្លូវគោក
កាលពីថ្ងៃ១៧ ខែកុម្ភៈ ឆ្នាំ២០២០ កន្លងទៅនេះ គណៈកម្មការសាលា បានរៀបចំសិក្ខាសាលាស្តី អំពីសុវត្ថិភាពចរាចរណ៍ផ្លូវគោក ជូនដល់សិស្សានុសិស្សថ្នាក់ទី៧ ដល់ទី១២ នៃសាលារៀន អន្តរទ្វីប អាមេរិកាំង សាខាផ្សារថ្មី។ ដោយសហការជាមួយអគ្គស្នងការនគរបាលជាតិ និងស្នងការនគរបាលរាជធានីភ្នំពេញ។ សព្វថ្ងៃនេះបញ្ហាប្រឈមនៃគ្រោះថ្នាក់ចារាចរណ៍ផ្លូវគោកមិនមែនជារឿងដែលគួរឱ្យមើលរំលង ឬជារឿងរបស់បុគ្គលណាម្នាក់ឡើយ ពោលវាគឺជាបញ្ហារបស់មនុស្សនៅទូទាំងប្រទេស ដូច្នេះហើយ សាលារៀន អន្តរទ្វីប អាមេរិកាំង រៀបចំកម្មវិធីឡើងដើម្បីឱ្យសិស្សានុសិស្សទាំងអស់នឹងមានឱកាសសិក្សាពីភ្លើងសញ្ញាចរាចរណ៍ ស្លាកសញ្ញា គំនូសសញ្ញាលើដងផ្លូវ និងផ្លូវអាទិភាព ឬសញ្ញាហាមឃាត់ផ្សេងៗ។ មិនត្រឹមតែប៉ុណ្ណោះ សិស្សទាំងអស់ នឹងបានចូលរួមគោរពច្បាប់ចរាចរណ៍ឱ្យបានត្រឹមត្រូវ ក៏ដូចជាចូលរួមកាត់បន្ថយបញ្ហាកកស្ទះចរាចរណ៍ដែលបណ្តាលមកពីបើកបរមិនគោរពច្បាប់ ឬជិះបញ្ច្រាសផ្លូវជាដើម។
ការប្រកួតអាន និងតែងអត្ថបទភាសាខ្មែរ ម៉េងលី ជេ. គួច លើកទី៧
កាលពីថ្ងៃទី១៤ ខែកុម្ភៈ ឆ្នាំ២០២០ កន្លងទៅនេះ គណៈកម្មការសាលា នៃសាលារៀន អន្តរទ្វីប អាមេរិកាំង បានរៀបចំការប្រកួតអាន និងតែងអត្ថបទភាសាខ្មែរ ម៉េងលី ជេ. គួច លើកទី៧ សម្រាប់ថ្នាក់ទី៧ ដល់ទី១២ ម្យ៉ាងបេក្ខជនដែលជាប់នៅវគ្គជម្រុះជុំទី១ នេះនឹងយកទៅប្រកួតវគ្គជម្រុះជុំទី២នៅថ្ងៃទី២១ ខែមីនា ឆ្នាំ២០២០ខាងមុខនេះ។ កម្មវិធីនេះ ត្រូវបានរៀបចំឡើងក្នុងគោលបំណងជំរុញឱ្យសិស្សានុសិស្សកាន់តែមានភាពឧស្សាហ៍ព្យាយាម ខិតខំប្រឹងប្រែងរៀនសូត្របន្ថែមលើមុខវិជ្ជាភាសាខ្មែរ បង្កើនការអាន និងតែងអត្ថបទភាសាខ្មែរ។
ការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៧
កាលពីថ្ងៃទី២៩ ខែមករា ឆ្នាំ២០២០ កន្លងមកនេះ គណៈកម្មការ លោកគ្រូ អ្នកគ្រូ នៃសាលារៀន អន្តរទ្វីប អាមេរិកាំង សាខាផ្សារថ្មី បានរៀបចំការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៧ វគ្គជម្រុះជុំទី១ និងជម្រុះជុំទី២ សម្រាប់សិស្សានុសិស្សថ្នាក់មធ្យមសិក្សាបឋមភូមិ និងទុតិយភូមិ។ កម្មវិធីនេះ ត្រូវបានរៀបចំឡើងក្នុងគោលបំណងជំរុញឱ្យសិស្សានុសិស្សកាន់តែមានភាពឧស្សាហ៍ព្យាយាម ខិតខំប្រឹងប្រែងរៀនសូត្រ បង្កើនការចងចាំនូវមេរៀនប្រវត្តិសាស្រ្ត សីលធម៌-ពលរដ្ឋវិជ្ជា និងមានចំណេះដឹងផ្នែកវប្បធម៌ទូទៅបានកាន់តែទូលំទូលាយ និងពង្រឹងសមត្ថភាពសិក្សារបស់សិស្សគ្រប់កម្រិតថ្នាក់។ បេក្ខជនដែលជាប់ក្នុងជម្រុះជុំទី២នេះនឹងឡើងទៅកាន់វគ្គផ្ដាច់ព្រ័ត្រនៅថ្ងៃសៅរ៍ទី២៩ ខែកុម្ភៈ ឆ្នាំ២០២០។ ហើយសិស្សជ័យលាភីលេខ១នឹងទទួលបានអហារូបករណ៍១០០% សិស្សជ័យលាភីលេខ២នឹងទទួលបានអហារូបករណ៍៧៥% សិស្សជ័យលាភីលេខ៣នឹងទទួលបានអហារូបករណ៍៥០% ព្រមទាំងមេដាយ បណ្ណសរសើរ និងវត្ថុអនុស្សាវរីយ៍។