អត្ថបទព័ត៌មានស្តីពីសុខភាព ក្រោម​ប្រធានបទ “តើ​យើង​គួរ​ទិញ​ចំណី​អាហារ​ស្រស់ៗ​ពិសាដើម្បី​សុខភាព ឬទិញអាហារ​បំប៉ន​សុខភាព?” អត្ថបទដកស្រង់ដោយ : ខាត់ សុធា

អត្ថបទព័ត៌មានស្តីពីសុខភាព ក្រោមប្រធានបទ “តើយើងគួរទិញចំណីអាហារស្រស់ៗពិសាដើម្បីសុខភាព ឬទិញអាហារបំប៉នសុខភាព?” អត្ថបទដកស្រង់ដោយ : ខាត់ សុធា #MJQE#AmericanInterconSchool បច្ចុប្បន្ននេះមានការផ្សព្វផ្សាយលក់អាហារបំប៉ននៅលើបណ្ដាញទំនាក់ទំនងសង្គម​យ៉ាងច្រើនគួរឱ្យកត់សម្គាល់។ ទន្ទឹមនោះមានប្រជាជនខ្មែរ​ជាច្រើននាក់ ជាពិសេស​យុវវ័យបានចំណាយ​លុយទិញផលិតផល​អាហារ​បំប៉នសុខភាព​ទាំងនោះយក​ទៅទទួលទាន ដោយរំពឹងថា​នឹងទទួលបានលទ្ធផលល្​អពីអាហារបំប៉នទាំងនោះដូចការផ្សព្វផ្សាយរបស់អ្នកលក់។ ជុំវិញបញ្ហាខាងលើនេះ អ្នកឧកញ៉ា វេជ្ជបណ្ឌិត គួច ម៉េងលី ជំនាញផ្នែកអប់រំសុខភាពទូទៅ និងសុខភាពសាធារណៈ បានលើកឡើងថា ប្រជាជនខ្មែរមិនគួរចំណាយលុយទិញអាហារបំប៉នសុខភាពទេ ព្រោះអាហារបំប៉នសុខភាពទាំងនោះ មិនត្រឹមតែពុំមានប្រសិទ្ធភាពចំពោះសុខភាពឡើយ តែថែមទាំងអាចធ្វើឱ្យប៉ះពាល់ដល់សុខភាពទៀតផង។ អ្នកឧកញ៉ា វេជ្ជបណ្ឌិត បានឱ្យដឹងទៀតថា សតវត្សរ៍ទី២១ទៅហើយ តែប្រជាជនខ្មែរមួយចំនួននៅតែខ្វះការពិចារណា នៅតែចាញ់បោកអ្នកលក់ផលិតផលអាហារបំប៉នសុខភាព។ ហេតុអ្វីចូលចិត្តឱ្យគេឆ្លៀតឱកាសបោកប្រាស់លុយកាក់ម្ល៉េះ? អាហារបំប៉នសុខភាពគេផ្សព្វផ្សាយលក់នោះ គ្មានផលល្អចំពោះសុខភាពទេ វាអាចធ្វើឱ្យប៉ះពាល់សុខភាពធ្ងន់ធ្ងរ។ បើយោងតាមការណែនាំរបស់អ្នកឧកញ៉ា វេជ្ជបណ្ឌិត បាននិយាយថា ប្រជាជនខ្មែរដែលចូលចិត្តទិញផលិតផលអាហារបំប៉នសុខភាព គួរតែទុកលុយទាំងនោះទិញចំណីអាហារស្រស់ៗដែលមានជីវជាតិគ្រប់គ្រាន់ពិសា ហើយគួរតែយកលុយទាំងនោះទៅទិញថ្នាំពេទ្យដែលមានគុណភាពលេប ទើបមានសុខភាពល្អ មិនប៉ះពាល់សុខភាពនៅថ្ងៃក្រោយ។ បើសន្សំលុយទុកទិញតែអាហារបំប៉នសុខភាព តែមិនហ៊ានទិញចំណីអាហារឆ្ងាញ់ៗ ចំណីអាហារដែលមានជីវជាតិគ្រប់គ្រាន់យកមកពិសាឱ្យពេញលក្ខណៈទេ តើមានសុខភាពល្អមកពីណា? សូមបញ្ជាក់ជូនដែរថា កាលពីពេលថ្មីៗកន្លងទៅនេះ ក្រសួងសុខាភិបាលបានចេញសេចក្តីប្រកាសព័ត៌មាន ដោយអះអាងថា អាហារបំប៉នសុខភាព ឬផលិតផលបំប៉នសុខភាពមិនអាចជំនួសចំណីអាហារដែលយើងបរិភោគប្រចាំថ្ងៃបានទេ និងគ្មានប្រសិទ្ធភាពក្នុងការធ្វើរោគវិនិច្ឆ័យ បង្ការ…

អត្ថបទព័ត៌មានស្តីពីវប្បធម៌ និងប្រពៃណី ក្រោមប្រធានបទ “ក្បាច់គុនបុរាណខ្មែរ”

  អត្ថបទដកស្រង់ដោយ : ប៊ុត សត្យា #MJQE #AmericanInterconSchool ក្បាច់គុនបុរាណខ្មែរយើងត្រូវបានគេដឹងថា ត្រូវបានហ្វឹកហាត់តាំងពីសម័យបុរាណកាលមកម្ល៉េះ ដោយមានច្រើនប្រភេទខុសៗគ្នាដែលរួមមានដូចជា៖ ល្បុក្កតោ បោកចំបាប់ ក្បាច់គុណដំបងវែង ក្បាច់ប្រដាល់សេរី និងក្បាច់គុណជាច្រើនទៀត។ ជាក់ស្តែងមានភស្តុតាងរូបចម្លាក់នៅតាមជញ្ជាំងប្រាសាទជាច្រើន ដួចជាប្រាសាទបាយ័ន្ត និងប្រាសាទដទៃទៀតនៅប្រាសាទអង្គរវត្ត បានបង្ហាញថា ក្បាច់គុនខ្មែរ មានអាយុកាលដល់ទៅរាប់ពាន់ឆ្នាំឯណោះ ពោលគឺតាំងពីសតវត្សទី៩ មកម្លេះ ដែលជាប្រភពដើមរបស់ខ្មែរ។ ហើយនៅក្នុងសម័យអង្គរមិនថាតែកងទ័ព និង រាស្រ្តសាមញ្ញធម្មតានោះទេ ត្រូវតែហ្វឹកហាត់សិក្សាអំពីក្បាច់គុនបុរាណទាំងនេះ។ ក្បាច់យុទ្ធគុនខ្មែរ ត្រូវបានគេជឿជាក់ថា ជាប្រព័ន្ធវាយប្រយុទ្ធរបស់ទ័ពខ្មែរនាសម័យអង្គរ និងមូលហេតុចម្បងដែលធ្វើឱ្យ អាណាចក្រខ្មែរមានភាពខ្លាំងក្លា អាចវាយគ្រប់គ្រងទឹកដីយ៉ាងធំធេងផងដែរនៅសម័យចក្រភពអង្គរ។ តែគួរឱ្យសោកស្តាយ គម្ពីរក្បាច់គុនមួយចំនួនធំត្រូវបានបាត់បង់ និងបំផ្លាញចោល ពេលប្រទេសត្រូវបានធ្លាក់ក្រោមការឈ្លានពាន និងវាយលុយពីប្រទេសជិតខាង ។ អត្ថបទដកស្រង់ និងកែសម្រួលចេញពីគេហទំព័រ៖ https://visitcambodia.travel/kh/article/view/culture_tradition  

ការចែករំលែកវិធីសាស្រ្តក្នុងការបង្រៀន មុខវិជ្ជាភាសាអង់គ្លេស

  កាលពីថ្ងៃព្រហស្បតិ៍ ទី២២ ខែកញ្ញា ឆ្នាំ២០២២ គណៈគ្រប់គ្រងនៃសាលារៀន អន្តរទ្វីប អាមេរិកាំង សាខាផ្សារថ្មី បានរៀបចំកម្មវិធីការចែករំលែកវិធីសាស្រ្តក្នុងការបង្រៀន មុខវិជ្ជាភាសាអង់គ្លេស ជូនលោកគ្រូ អ្នកគ្រូថ្នាក់ក្រោមមត្តេយ្យសិក្សា ដល់ទី៦ បង្រៀនដោយលោកគ្រូ អ៊ាន់ ខេង។ ក្រោយការចែករំលែកលោគ្រូ អ្នកគ្រូទទួលបានវិធីសាស្រ្តថ្មីៗដើម្បីបង្រៀនសិស្សានុសិស្សកាន់តែច្រើន។

ការចែករំលែកវិធីសាស្រ្តក្នុងការបង្រៀន មុខវិជ្ជាអំណាន

  កាលពីថ្ងៃព្រហស្បតិ៍ ទី២២ ខែកញ្ញា ឆ្នាំ២០២២ គណៈគ្រប់គ្រងនៃសាលារៀន អន្តរទ្វីប អាមេរិកាំង សាខាផ្សារថ្មី បានរៀបចំកម្មវិធីការចែករំលែកវិធីសាស្រ្តក្នុងការបង្រៀន មុខវិជ្ជាអំណាន ជូនលោកគ្រូ អ្នកគ្រូថ្នាក់ក្រោមមត្តេយ្យសិក្សា ដល់ទី៦ បង្រៀនដោយលោកគ្រូ សំ ស៊ីថា។ ក្រោយការចែករំលែកលោគ្រូ អ្នកគ្រូទទួលបានវិធីសាស្រ្តថ្មីៗដើម្បីបង្រៀនសិស្សានុសិស្សកាន់តែច្រើន។

សិក្ខាសាលាស្តីអំពី «ការបង្ការការប្រើប្រាស់គ្រឿងញៀននៅសាលារៀនដល់សិស្សានុសិស្ស លោកគ្រូ អ្នកគ្រូ និងអ្នកអាណាព្យាបាល»

កាលពីថ្ងៃទី២១​ ខែកញ្ញា ឆ្នាំ២០២២ កន្លងទៅនេះ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បានសហការជាមួយនាយកដ្ឋានសុខភាពផ្លូវចិត្ត និងការបំពានគ្រឿងញៀន នៃក្រសួងសុខាភិបាល បានរៀចំសិក្ខាសាលាស្តីអំពី «ការបង្ការការប្រើប្រាស់គ្រឿងញៀននៅសាលារៀនដល់សិស្សានុសិស្ស លោកគ្រូ អ្នកគ្រូ និងអ្នកអាណាព្យាបាល»។ សិក្ខាសាលានេះដើម្បីផ្សព្វផ្សាយអំពីចំណេះដឹងជាមូលដ្ឋានស្តី ពីគ្រឿងញៀន និងភាពញៀនទៅដល់លោកគ្រូ អ្នកគ្រូ អ្នកអាណាព្យាបាល និងសិស្សានុសិស្ស ហើយចំណេះដឹងជាមូលដ្ឋានស្តិពីគ្រឿងញៀន និងភាពញៀនមានដូចជា៖ យល់ដឹងពីនិយមន័យគ្រឿងញៀន យល់ដឹងពីចំណាក់ថ្នាក់គ្រឿងញៀន យល់ដឹងពីកត្តាជំរុញឱ្យមានការប្រើប្រាស់គ្រឿងញៀន យល់ដឹងពីផលប៉ះពាល់នៃគ្រឿងញៀន យល់ដឹងការចូលរួមរបស់គ្រូបង្រៀន យុវជន និងអ្នកអាណាព្យាបាលក្នុងការបង្ការការប្រើប្រាស់គ្រឿង ញៀន ក្រោយពីបញ្ចប់សិក្ខាសាលា លោកគ្រូ អ្នកគ្រូ អ្នកអាណាព្យាបាល និងសិស្សានុសិស្សបានទទួលចំណេះបន្ថែមទៀត ព្រមទាំវិធីសាស្ត្រថ្មីៗក្នុងការទប់ស្កាត់ការប្រើប្រាស់គ្រឿងញៀន និងជួយផ្សព្វផ្សាយពីផលលំបាកក្នុងការប្រើប្រាស់គ្រឿងញៀនទៅដល់មិត្រភក្តិ និងក្រុមគ្រួសារដើម្បីកុំឱ្យអ្នកទាំងនោះសាកល្បងប្រើគ្រឿងញៀននេះ។

អត្ថបទព័ត៌មានស្តីពីបច្ចេកវិទ្យា ក្រោម​ប្រធានបទ “អត្ថប្រយោជន៍​៥យ៉ាង​ក្នុង​មុខងារ Telegram ដែលយើង​ប្រើប្រចាំថ្ងៃ” អត្ថបទដកស្រង់ដោយ : នាក់ លីណា

អត្ថបទព័ត៌មានស្តីពីបច្ចេកវិទ្យា ក្រោមប្រធានបទ “អត្ថប្រយោជន៍៥យ៉ាងក្នុងមុខងារ Telegram ដែលយើងប្រើប្រចាំថ្ងៃ” អត្ថបទដកស្រង់ដោយ : នាក់ លីណា #MJQE#AmericanInterconSchool Telegram គឺជាកម្មវិធីផ្ញើសារដែលផ្ដោតសំខាន់​លើសុវត្ថិភាព និងល្បឿន​លឿន​ក្នុងការផ្ញើ ដែលជួយឱ្យ អ្នកប្រើប្រាស់​អាចចែករំលែក​រូបភាព និងវីដេអូ​បានច្រើន ហើយអាចផ្ញើរបានរហូត​ដល់ 1GB។ មុខងារក្នុង Telegram មានប្រយោជន៍ជាច្រើនដែល​យើងកំពុងប្រើរាល់ថ្ងៃ។ ថ្ងៃនេះខ្ញុំសូមលើក​យកមុខងារ ល្អៗទាំង៥ ក្នុងកម្មវិធី Telegram មកចែករំលែកមាន​ដូចខាងក្រោម៖ ១. Add Friend ឬចូលក្នុងគ្រុបមានទីតាំងនៅក្បែរៗ វាមានប្រយោជន៍នៅពេលដែលអ្នកទៅចូលរួមសិក្ខាសាលាណាមួយដែលគេ​បង្កើតក្រុមឱ្យចូលរួម ហើយយើងនៅកន្លែងតែមួយគឺងាយស្រួលរកគ្នាឃើញមែនទែន។ • វិធីប្រើ៖ ចូលទៅ Contact > Find People Nearby។ • បើសិនមុខងារមិនដំណើរការ អ្នកអាចចូលទៅបើក Location ក្នុងកម្មវិធី Telegram ឱ្យដំណើរការជា មុនសិន។ • វិធីបើក Location៖ Setting > Telegram >…

អត្ថបទព័ត៌មានស្តីពីការអប់រំ ក្រោមប្រធានបទ “អត្ថ​ប្រយោជន៍​របស់​មុខវិជ្ជា STEM ក្នុងការរៀន និងបង្រៀន​ប្រកបដោយ​ប្រសិទ្ធភាព” អត្ថបទ​ដកស្រង់ដោយ : សួង ណារិន

អត្ថបទព័ត៌មានស្តីពីការអប់រំ ក្រោមប្រធានបទ “អត្ថប្រយោជន៍របស់មុខវិជ្ជា STEM ក្នុងការរៀន និងបង្រៀនប្រកបដោយប្រសិទ្ធភាព” អត្ថបទដកស្រង់ដោយ : សួង ណារិន #MJQE#AmericanInterconSchool សម្រាប់ប្រទេសកំពុងអភិវឌ្ឍន៍ដូចជាប្រទេសកម្ពុជា ជំនាញ STEM (Science, Technology, Engineering, and Mathematics) គឺជាកម្មវិធីសិក្សាអប់រំដែលផ្តោតសំខាន់លើមុខវិជ្ជាសិក្សា​វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា សុទ្ធសឹងជាជំនាញ​ដែលត្រូវការបំផុតក្នុងប្រទេស។ ប៉ុន្តែអ្នកសិក្សាធ្លាប់ដឹងថា STEM គឺជាមុខវិជ្ជាដែលពិបាករៀន និងពិបាកបង្រៀន ដោយសារខ្វះសម្ភារៈស្រាវជ្រាវ និងសម្ពាធការងារទៅលើសិស្សក្នុងការបញ្ចប់ការសិក្សា​ដោយជោគជ័យ។ តើគ្រូបង្រៀន និងសិស្សក្នុងប្រទេសកម្ពុជាគួរមានទម្លាប់រៀនបែបណាខ្លះលើមុខវិជ្ជា STEM? តើក្រសួងអប់រំ យុវជន និងកីឡា គួរគាំទ្រដល់វិធីសាស្រ្ត សិក្សាមុខវិជ្ជា STEM ដូចខាងក្រោមដែររឺទេ? សព្វថ្ងៃក្រុមអ្នកស្រាវជ្រាវនៅសាកលវិទ្យាល័យ ហាវើដ (Harvard) បាននិយាយថា ការសិក្សាវិទ្យាសាស្រ្តមិនត្រូវផ្តោតលើការយល់ទ្រឹស្តី រូបមន្ត និងពាក្យសព្ទទៀតទេ ប៉ុន្តែវាគួរជាការសិក្សាផ្តោតលើការដោះស្រាយបញ្ហា និងសហការថែមទៀត។ ខាងក្រោមនេះ គឺជាអត្ថប្រយោជន៍៣យ៉ាងរបស់ STEM៖ ១. កសាងជំនាញ វិទ្យាសាស្រ្ត…

សិក្ខាសាលាស្តីពី ការគ្រប់គ្រងភាពតានតឹង និងវិធីដោះស្រាយបញ្ហា

ណៈកម្មការ នៃសាលារៀន អន្តរទ្វីប អាមេរិកាំង បានរៀបចំសិក្ខាសាលាមួយស្តីអំពី ការគ្រប់គ្រងភាពតានតឹង និងវិធីដោះស្រាយបញ្ហា ដោយវាគ្មិន លោកសាស្រ្តាចារ្យ ស្រ៊ុន ហួរ មកពីសាកលវិទ្យាល័យភូមិន្ទភ្នំពេញ ជូនលោកគ្រូ-អ្នកគ្រូ និងបុគ្គលិកគ្រប់ផ្នែក។ ខ្លឹមសារនៃសិក្ខាសាលានេះមានដូចជា ការស្គាល់ពីខ្លួនឯង ការចេះគ្រប់គ្រងអារម្មណ៍ ការចេះបែងចែកបញ្ហាដែលយើងជួបប្រទះ និងការដោះស្រាយបញ្ហាផ្សេងៗ។ សូមបញ្ជាក់ដែរថា សិក្ខាសាលាខាងលើប្រព្រឹត្តិទៅចំនួនពីរថ្ងៃ គឺនៅថ្ងៃទី២០-២១ ខែកញ្ញា ឆ្នាំ២០២២។